salad 1 .... الجمعة ملل

,احياناَ يوم الجمعة يصير ممل بشكل فضيع

! مافي شي يمنع ان يكون مثل باقي الأيام , لكن انا بيوم الجمعة مرات يحوشني كسوف كلي , فيصير يوم النــوم

المهم..خل اخربط شوي و اسوي لكم سلطة , كل شي بكتبه ماله شغل بالثاني لووول

اول شي بما ان الحلم الجميل صاير ناقد و محلل سينمائي , بكل جدارة طبعاً,

فقلت انا خل اكتب عن الممثلين الي يعجبوني و كل فتره نقعد مع بعض..يعجبوني انا , اكيد راح يعجبونكم لوول

.

.

بالبداية ممثلين التراجيديا او الدراما عموماً و هم اعظم الممثلين

1-Antony hopkins

2-Jack nicholson

3-Mel gibson

4-Russell crowe

5-Dustin Hoffman

-------------------

ممثلين الكوميديا..من غير ترتيب

Charles Chaplin

Bill cosby

George Clooney

Will smith

Eddie murphy

! بالكوميديا القائمة راح تطول...خل اوقف

---------

أوووه الحين أوسم الممثلين...هم من غير ترتيب لوول

Brad Pitt

Johnny Depp

Guy Pearce

الاخير للي مايعرفه خل يطالع فلم

The Count of Monte Cristo

لحد يقولي نسيت توم كروز و جون ترافولتا و ريكي مارتن و ديكابريو...ماحبهم

! ممثل شكله غريب , طول الفلم اطالعه و انا مستغرب لوول

Ben Whishaw

--------------------

ممثلين صوتهم و لكنتهم عجيبه

1-Antony hopkins

2-Sean connery

3-Robert deniro

----------------------------

ممثلين بس احبهم يخلوني اكرههم

Al Pacino

Nicolas Cage

Jim carrey

Denzel washington

Sylvester Stallone

---------

الممثلين مثل النكت كثر ماتحفظهم ماراح تذكرهم

! صار طويل الموضوع...شنو هالملاغه كل شي بالطول...بالعرض مايصير

--------------------------

الحين راح اكشف لكم حقيقة خرووفة...الي تقول انها راح تشتكي على انجلوفيل عند جمعيات الرفق بالحيوان , و انا اقولها حقوق البشر أولاً و من ثم حقوق المجبوس و الستيك

شوفوها مع ربعها

! يــا الله شنو هالأجرام

------------

الحين من الملل بطلع بس اخاف خرووفه و ربعها عند الباب

Pandora box

القصه هاذي علشان نعرف المشاكل و البلاوي من وين تطلع لوول

كان برميثيوس حبيب الالهة سابقاً و البشر لاحقاً , و الي اهداه زيوس الأرض و مافيها , و قام بعدين و خلق البشر على هيئة الألهة , و بحركته هاذي أهان الألهة فأجتمعوا و فكروا شلون ينتقمون من برميثيوس
!

طبعاً الي سواه برميثيوس الضاهر ان عجب الألهة لكن علشان ينتقمون و بنفس الوقت الامر كله يرجع لهم قرروا انهم...لا لا اول شي خل اوضح لكم نقطه مهمة

الأرض كانت كلها ذكور بس...عايشين بسعادة و نعمه و من غير اي مشاكل...

الى ان قرروا الألهة انهم يهدون للبشر هدية , الهدية كانت انثى اسمها باندورا

!

باندورا هاذي كل واحد من الألهة قام و حط فيها شي..افرودايتي خلتها حلوه و أثينا خلت فيها شوي حكمه و ذكاء و جذي..كل اله حط فيها شي من الشين و من الزين , و رسول الألهة هرميس سماها باندورا و اسمها يعني الي عطوها كل شي

!

قام زيوس و أمر هرميس ان يرسلها هدية حق برميثيوس , و لانه برميثيوس كان فطين و عرف ان السالفه فيها غمندة فما اهتم فيها و عطاها حق اخوه أبيمثيوس الي نقدر نقول ان تزوجها , و بعد فتره او بعد ما أبيمثيوس شبع باندورا من الطق و قام يلعن اليوم الي شافها فيه....قامت الألهة و ارسلت هدية زواج عبارة عن صندوق كشخه حق أبميثيوس و زوجته باندورا , و لانه أبيمثيوس ذاق المر من اول هدية فقرر ان مايفتح الصندوق فيمكن تطلع منه بلاوي اكثر من باندورا , و بنفس الوقت امر باندورا انها ماتفتح الصندوق لأنه مو ناقصها شي و كل الي تبيه يصير

لكن اللقافه و اهي بالمناسبة وحدة من صفاتها الي انخلقت معاها...المهم ان اللقافه هاذي ماخلتها تنام لا ليل ولا نهار, و كله قاعده تفكر شنو في الصندوق

!

و بيوم من الأيام و بعد خروج ابيمثيوس من القصر , أستغلت باندورا الفرصه خصوصاً ان اللقافه وصلت حدها ذاك اليوم و فتحت الصنــــدوق

و فجاة تطلع البلاوي من الصندوق...الطمع و الغرور و الجذب و الحسد و الكسل ووو شكثر اشياء قلبت حياة البشر فوق تحت و خربت سعادتهم....هذا ولاشي عند الي طلع بعد هذا كله ....بـــــراااقش طلعت من هالصندوق

عاد باندورا قعدت تحاول تصكر الصندوق و تحاول لكن بـــراقش قاعده و ترافس لين طلعت...و بالنهاية قدرت باندورا انها تصكر الصندوق لكن ظل شي واحد داخل الصندوق , كان احلى شي بالدنيا و الى الان اهو داخل الصندوق...

الي اسمه صندوق بانــــــدورا

^

^

^

شنو تتوقعون الي داخل الصندوق و ماقدر يطلع؟ اكيد مو انا لوول

ما تغـــيـــرت !

بالبداية انا اسف لاني شوي مصختها لوول...عادي كنت ادلع روحي شوي

فيني عيب و هو اذا سويت شي او تعبت بالشغل اقوم ادلع روحي اكثر من اللازم...مشتاق لكم و ودي اكلكم بس شبعان الحين :p

------------

Cetus

من فترة طويلة نسبياً كنت احس روحي متغير او قاعد اتغير , اتغير في اطباعي و نفسيتي و علاقاتي , عاد تصدقون شكلي ماتغير نفسي من انولدت ليلحين نفس الشكل...صج ملل , كان ودي بقرنين صغار و عصعص

المهم ان هالتغيير الي كنت احسه كان سببه مجال عملي و العلاقات الي تفرضه , و ايضا الوقت الي كان ياخذه مني و الأسباب هاذي ابعدتني عن احد اعز اصدقائي..تصدقون اكثر من سنه مو طالع معاه

و انا الي كنت اغلب وقتي معاه , لو قلنا اهو اكبر مني بسنه يعني عمره كله معاي..ناقص سنه طبعا

عاد قبل اسبوع قررت اني اتصل عليه و اسئل عنه , ماكنت مفكر اطلع وياه..بس فجأة و انا اكلمه ياني شعور ان لازم اشوفه.. كان شعور مختلط بشي غريب و هو اني تنازلت و طلبت من شخص اني اطلع معاه

!!!

ماحب ادخل بتفاصيل اكثر بس كانت طلعة و سهرة حلوه بعيون صاحبي..اكتشفت بنهايتها اني ماتغيرت ابد...و الي برجه الحوت عنده الف قناع و شخصية , لكــن بالأخير يرجع لوجهه الطفولي و ضحكته البريئة

!!

-------------------

! أبوي و اللون الرمادي

القائد الأعلى للقوات المسلحة و صاحب قرارات تنفيذ الأعدام الوالد الحبيب مايحب اللون الرمادي...اللون الرمادي ينرفزه و يخرب مزاجه...شنو السبب ماعرف

البيت مافيه شي رمادي الا سيارتي..لونها رمادي مايل للأزرق و الي شفعلها اهو سيارتي الثانيه الي لونها عنابي و الوالد اختارها لي , قبل جم يوم رحت شريت سياره ثانيه لونها فضي و بكل مزاج حلو اسوقها و اصفطها بالبيت و اتفاجأ بالوالد يصدر قرار عاجل و مختصر...روح اصبغ سيارتك ابيض

...انجلو : يبا هاذي لونها فضي مو رمادي

ابو انجلو : نفس الشي...لونها كئيب

انجلو : يبا الفضي نظرته حلوه و مايبين عليه الغبار

ابو انجلو : روح شوف جم يصبغونها الوكاله ابيض و انا اعطيك فلوس

انجلو : مايصير السياره يديده اروح اصبغها

ابو انجلو : موقلتلك لا تشتري رمادي

انجلو : والله لونها فضي

ماذكر شصار بعدين...ابي حل , اليوم مناديني يقولي اصفطها اخير شي صوب الجيران لووول

انا مستانس قايل حق روحي لون فضي و بروح عند حسين سالمين يرسملي عليها....الحين عرفت من وين صرت ديكتاتوري

عاد تصدقون نسيت , حتى قطوشي لونه رمادي

لووووول ادري شكله كلب...اهو فارسي بس قاصين شعره , لأنه شعره ما كان مرتب , عاد مسكين اهو الثاني ماسلم من قرارات الوالد...يبيني ابيعه ليش لون شعره رمادي

قطوش يبيله بوست بروحه..حلايه الكرفته الزرقا...يعني رسمي قاعد معاي بالمكتب

اشوفكم على خير